Brigada Balaod

Unang Dominggo sa Bernabar

Niadtong miaging Dominggo, November 3, 2019, mao ang unang Dominggo sa tinuig nga bar examinations alang niadtong nakahuman sa kursong abogasiya. Ang bar examinations karong tuiga gitawag usab nga Bernabar kay ang chairperson mao si Justice Estela M. Perlas-Bernabe.

Sa pagsulat ning maong artikulo migawas na ang mga pangutana sa Political and International Law, ang unang subject nga anha ipahigayon sa buntag sa unang Dominggo.

Ang examination sa Political and International Law 10 nga panid, ug may 20 ka pangutana. Gibahin kini sa Part I ug Part II, tag 50% ang matag bahin.

Basic questions and concepts lang gyod ang gipagawas sa Supreme Court karong tuiga. Pananglitan, ang unang pangutana nagpa-define ning mosunod: jus cogens, principle of double criminality, act of State doctrine, ug precautionary principle. Labihan ka mga batakan niini nga kon ang usa ka law graduate dili makahatag og definition niini, dili tingali angayang papasaron ug himoong abogado.

Ang misunod nga pangutana basic usab kaayo: Ubos sa United Nations Convention on the Law of the Sea (UNCLOS) unsay katungod sa Pilipinas sa contiguous zones ug sa atong exclusive economic zone.

Ang ikatulong pangutana binase sa Vietnamese boat people panahon sa kagubot sa Vietnam nga naabot sa Palawan – kabahin kon unsay basehan nato sa “refugee” status.

Ang ubang pangutana kabahin sa custodial investigation, right to counsel, warrantless search, executive privilege, power to call-out the Armed Forces of the Philippines, condonation doctrine (gibiyaan sa Ombudsman v. Binay nga kaso), right to speedy trial, double jeopardy, election protests, impeachment, ug amendment versus revision sa Constitution – hapit mga batakan (basic) gyod nga kahibalo nga kinahanglang nasayran sa usa ka abogado.

Hopefully magpadayon ni nga pattern sa mga pangutana ug mas sayon-sayon ang bar examinations karong tuiga.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.