Brigada Balaod

Judges-at-large

Niadtong Agosto 30, 2019, gipirmahan ni Pres. Rodrigo Duterte ang Republic Act No. 11459, nga nag-amyenda sa Batas Pambansa Blg. 129 (The Judiciary Reorganization Act of 1982), ug nag-create og 100 ka mga regional trial judges-at-large.

Kining mga judges-at-large walay ilang kaugalingong korte, apan i-assign sa Supreme Court isip acting o assisting judge sa mga existing courts. Pareho lamang sila og qualifications, salaries, ug uban pa sa mga regional trial court judge.

May 50 usab ka mga municipal trial judges-at-large nga gi-create sa maong balaod.

Kining maong balaod gitan-aw nga paagi aron mapadali ang atong sistema sa hustisya nga ang tanang tawo nakahibalo perting hinaya gayod. (Pananglitan, ako nga nagsugod pagpangabogar sa 2014, duna pay mga kaso nga gidawat sa maong tuig nga wala pa mahuman karon.)

Ang pagkawalay huwes sa usa ka korte maoy usa sa mga hinungdan nga madugay og samot ang kaso. Sa kasamtangan, ang gihimo sa Supreme Court mao ang pag-designate og mga acting ug assisting judges gikan sa mga appointed judges. Apan kini nga mga appointed judges, dunay ilang kaugalingong mga korte, ug busa busy usab sa ilang mga korte. Karon nga duna nay judges-at-large, maka-focus sila sa ilang pagka-acting o assisting judge, kay wala man silay laing hunahunaon.

Hinuon, sa pagsulat niini, wala pa mopagawas og implementing rules and regulations ang Supreme Court. Dili pa tataw unsaon pag-work out sa maong balaod – kon i-appoint ba ka nga judge-at-large, bisan asa ka ba sa Pilipinas ma-assign? Sa akong tan-aw, i-regionalize ni sa Supreme Court, ug iapod-apod ang 100/50 ka mga posisyon pinasubay sa gidaghanon sa existing courts.

Laing kalisdanan sa pag-implementar ning maong balaod mao nga wala man gali mapuno sa Supreme Court ang mga existing vacant courts, unsaon na lang kaha kining maong posisyon. Pananglitan, sa Cebu, as of August 9, 2019, may walo ka Regional Trial Court ang wala pay huwes.

Hinaot nga kining maong balaod makatabang og dako nga mas mopaspas ang administration of justice sa Pilipinas.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.