Brigada Balaod

Kataposang hunat

Karon ang last Sunday sa dili pa magsugod ang upat ka Domingo sa bar examinations nga adto ipahigayon sa University of Sto. Tomas (UST) sa Manila karong Nobiyembre 3, 10, 17 ug 14, 2019, sumala sa Bar Matter No. 3489 (In re: 2019 Bar Examinations). Good luck ug congratulations daan sa tanan nga mo-take sa bar karong tuiga, labi na gayod kadtong mga kaila nato.

Bisan og unsaon, ang bar examinations mao pa gihapon ang giila nga labing lisod nga pasulit dinhi sa Pilipinas. Daghan na man pod untang mga board examination nga moabot pod og upat ka Domingo ang pag-conduct, apan ang publiko nagtan-aw pa gihapon sa bar examinations isip labing lisod. Ang last Sunday, traditionally, part gyod sa news cycle sa sunod adlaw.

Swerte ko nga kausa ra gyod ko mi-take sa bar. Pag-graduate nako niadtong Marso 2013, miundang ko sa trabaho ug mi-focus sa review, kay nagtrabaho man ko samtang nag-eskwela. Sa kaluoy sa Ginoo, one take lang – nakahinumdom pa ko nga passer no. 532 ko sa listahan sa mipasar (examinee no. 6 ko kay ang nagdala sa akong petition to take the bar, mao ang ikaduha nga milinya sa una gyong adlaw sa application). Ang akong giampo niadtong panahona, makapasar lang ko, kay di na gyod ko mousab.

Ang bar examinations, actually, more of a test of character than a test of one’s knowledge of the law. Of course, kinahanglan pod nga naa gyod kay nahibaw-an, kay unsa may imong ikatubag kon wala kay nahibaw-an. Apan bisan pag daghan kang nahibaw-an, kon wala kay strength of character ug mo-breakdown ka sa pressure, hagbong na kang daan sa bar examinations. Daghan kong nailhan nga mas nakahibawo pa nako sa mga punto sa balaod, apan wala makalabang kay dili makaya ang pressure sa upat ka Domingo nga kombate, ug ang pila ka bulan nga paghuwat. (Ang amoa sa 2013 bar, gipagawas ang resulta Marso 18, 2014 na, hapit lima ka buwan human ang kataposang Domingo, October 27, 2013.)

Mao nay giingon nga ang tanang nakapasar sa bar, kwalipikado nga mahimong abogado, apan dili tanang nahagbong sa bar, dili takos mahimong abogado. Dili pa lang gyod tingali ilang panahon.

(Happy birthday diay sa akong Tatay Vicente P. Isles Sr., nga nagsaulog sa iyang ika-69 nga birthday karon.)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.