Brigada Balaod

The best Chief Justice we never had

Karong adlawa ang ika-70 nga kasumaran sa adlawang natawhan ni Senior Associate Justice Antonio T. Carpio. Karon adlawa usab mobiya siya sa judiciary, nga iyang giserbisyohan sa lapas 18 ka tuig.

He was the best Chief Justice we never had.

Gitudlo si SAJ Carpio sa Supreme Court ni Pres. Gloria Macapagal Arroyo (GMA) niadtong October 26, 2001, ang usa sa labing bata nga natudlo sa Supreme Court, sa edad nga 52.

Niadtong Mayo 17, 2010, pagretiro ni Chief Justice Reynato Puno, gi-bypass si SAJ Carpio, ug ang gitudlo isip bag-ong Chief Justice, si Renato Corona, nga mas junior kay sa iyaha. Kini tungod kay sa siyam ka tuig nga pagdumala ni GMA sa nasod, sa mga petisyon batok sa iyang gi-implementar nga mga palisiya, si SAJ Carpio didto laban ug unsay tan-aw niya husto ug tukma, imbes nga kon unsay gusto ni GMA. Migawas ang iyang pagka-independent minded.

Human gitangtang via impeachment si CJ Corona, si SAJ Carpio ang acting CJ gikan Mayo 29, 2012 hangtod Agosto 25, 2012. Again, gi-bypass siya og wala mapili isip CJ.

Human gitangtang si CJ Sereno via quo warranto, si SAJ Carpio na usab ang acting CJ gikan Mayo 14, 2018 hangtod Agosto 28, 2018. Dili gihapon siya ang gipili nga CJ.

Sa pagretiro ni CJ Teresita de Castro niadtong miaging tuig, si SAJ Carpio na usab ang acting CJ gikan October 11, 2018 hangtod sa November 28, 2018. Wala gihapon siya mapili pagka-CJ.

Sa nominasyon sa mopuli kang CJ Lucas Bersamin, nga miretiro October 18, 2019, mi-decline na si SAJ Carpio, kay walo na man lang usab ka adlaw, ug moretiro na siya. Apan kay wala pa may natudlo nga Chief Justice si Pres. Rodrigo Duterte, si SAJ Carpio na usab ang acting CJ.

Sa iyang mga sinulat, si SAJ Carpio usa sa mga lantip nga manghunahuna sa mga puntong legal dinhi sa Pilipinas. Dakong kausikan nga wala siya matudlo isip Chief Justice. Hinuon, ang Supreme Court, per curiam (tanan), mipalabang og resolusyon nga naghatag kaniya sa mga pribilehiyo sa usa ka Chief Justice.

Angayan lang. He was the best Chief Justice we never had.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.