Brigada Balaod

Disbarred tungod sa gugma

Maghilak ang usa ka buwan kon way ipagawas nga disbarment o suspension from the practice of law ang Supreme Court. Niadtong miaging buwan, gi-promulgate sa Supreme Court ang desisyon sa pag-disbar kang Atty. Rebene C. Carrera tungod sa iyang relasyon sa usa ka babayeng minyo samtang siya minyo usab.

Si Atty. Carrera ug ang reklamante nga si Annaliza Chan nagkaila niadtong Hulyo 2006. Pagka September 2006 nagpuyo na sila sa usa ka balay. Later, nahibaw-an ni Chan nga minyo si Atty. Carrera; wa maklaro kanus-a nakahibawo si Atty. Carrera nga minyo sab ngadto sa lain si Chan, apan matod pa sa Supreme Court, dili importante kon kanus-a niya nahibaw-an – ang klaro mao nga nagpadayon sila sa pagpuyo isip bana ug asawa bisan pa nga nakahibawo sila nga minyo silang duha sa laing tawo.

Wala gitago sa duha nga nagkahigugmaay sila sa kanhiay; tulo usab sila ka tuig nga nagpuyo. Sa dihang nagbuwag na, mireklamo ang babaye; apan later on iyang gi-withdraw ang iyang reklamo. Hinuon, sa mga disciplinary action batok sa mga abogado, bisan kon moatras ang reklamante, magpadayon lang gihapon ang kaso. Mao kiniy nahitabo dinhi. Ang Investigating Commissioner sa Commission on Bar Discipline (CBD) sa Integrated Bar of the Philippines (IBP) mi-recommend nga si Atty. Carrera kasab-an lang ug warningan. Apan ang IBP Board of Governors (BOG) mi-recommend nga isuspenso siya og tulo ka tuig. Human sa motion for reconsideration, mi-resolve ang IBP-BOG og usa ka tuig nga suspenso gikan sa pagkaabogado.

Apan pag-abot sa Supreme Court, miingon ang labawng hukmanan nga ang tukmang silot kang Atty. Carrera mao ang disbarment. Matod sa Supreme Court, ang pagbiya sa usa ka minyo sa iyang asawa o bana aron makigpuyo og lain imoralidad. Nga ang kabit minyo usab makapadoble sa imoralidad.

Matod pa sa Supreme Court, ang mga nahuman ni Atty. Carrera dili makapahimo niyang inosente sa reklamo batok kaniya. Gani kuno, nahibulong ang Supreme Court nga sa kadaghan na untang nakab-ot ni Atty. Carrera sa iyang karera isip abogado, nganong nahimo pa niya ang ingon.

“Every lawyer is expected to be honorable and reliable at all times, for a person who cannot abide by the laws in his private life cannot be expected to do in his professional dealings,” matod sa Supreme Court. (Annaliza C. Chan v. Atty. Rebene C. Carrera, A.C. No. 10439, September 3, 2019)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.