Brigada Balaod

Marcos election protest

Karong adlawa expected nga ipagawas sa Korte Suprema ang ilang desisyon sa initial review sa mga balota gikan sa mga probinsya nga gi-identify sa kampo ni defeated vice presidential candidate Bongbong Marcos isip dunay labing dakong pagpanikas niadtong miaging eleksyon sa 2016.

Niadtong Oktubre 1, 2019, gikataho nga apil sa agenda sa Korte Suprema ang maong kaso. Apan gioktaba kini og gibalhin sa Oktubre 8, 2019. Niadto pong miaging Martes (kada Martes mag-en banc ang Supreme Court) gibalhin na pod nila karong adlawa. Hopefully mohatag nag desisyon sa Korte Suprema karong adlawa.

Kahinumdoman, 36,465 ka mga clustered precinct ang gi-identify ni Bongbong diin kuno siya gitikasan ni Leni Robredo. Apan pinasubay sa Rule 65 sa 2010 Rules of the Presidential Electoral Tribunal, ang mga pilot provinces maoy giuna – Iloilo, Negros Oriental, ug Camarines Sur – 5,415 ka clustered precinct. Kon dunay substantial recovery (sa ato pa, kon sundon ang pattern, molabaw gayod si Bongbong), ipadayon sa Korte Suprema ang recount, apan kon dili, ibasura ang protesta.

Gibalita nga niadto pang September 9, 2019 misumiter sa en banc si Justice Benjamin Caguioa, ang ponente kun assigned justice, sa iyang report sa pilot provinces. Apan matod pa sa kampo ni Leni, mitubo pa hinuon sa labaw 15,000 ka botos ang labaw ni Leni sa pilot provinces. Kini tungod sa mga balota nga wala ipha sa una tungod sa 50% shading threshold nga gipatuman, apan giihap na karon tungod kay miingon ang Korte Suprema nga 25% ang shading threshold nga sundon, tungod kay kini ang gi-set sa mga makina niadtong 2016.

May tulo ka posibleng scenario human ang desisyon sa pilot provinces. Ang una mao ang pagbasura gayod sa election protest, kon walay substantial recovery sa pilot provinces. Kini kon tinuod nga milabaw pa hinuon og mga 15,000 ka botos si Leni.

Ang ikaduha mao ang pag-review sa 31,050 ka mga clustered precinct. Kini kon dunay substantial recovery sa pilot provinces. Ang clustered precincts sa 21 ka probinsya, lima ka syudad, ug usa ka distrito sa Northern Samar i-recount pod.

Ang ikatulo nga scenario mao ang pagtan-aw sa Supreme Court sa mga balota sa tulo ka probinsya sa Autonomous Region of Muslim Mindanao (Basilan, Lanao del Sur, ug Maguindanao) nga matod pa ni Bongbong may terorismo, batch-feeding ug pre-shading sa mga balota.

Hinaot nga ipagawas na sa Supreme Court ang ilang desisyon karong adlawa. Ang padayong pagdugay sa desisyon ning maong protesta naghatag lag kalibog sa katawhan.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.