Brigada Balaod

Pangutana ug tubag – 6

P6: Naa mi yuta. Gamay pa mi giingnan na mis amo ginikanan ang ilaha gyod to yuta. Pagkamatay nila, duna nay miangkon. Unsaon man nako pagkahibawo kon kinsa gyoy tag-ya sa yuta?

T6: Adto sa inyong city o municipal assessor, tan-awa ang tax map sa lugar, kon kang kinsa ngalan ang mi-appear sa record. Unya tan-awa ang tax declaration kay basin naay lot number didto magamit nimog trace sa title, if any.

P7: Ang among agency matag kinsena magkaltas para sa Social Security System ug sa PhilHealth, pero wala diay nila gi-remit. Unsay akong mahimo?

T7: Isumbong na sa SSS ug PhilHealth. Ang pagkaltas apan wa pag-remit niini usa ka klase sa estafa kun pagpangilad.

P8: Napulo ko ka tuig nagtrabaho sa company nya nagkasakit ko maong mi-resign na lang ko. P10,000 ra ang ilang gihatag nako nga separation pay. Husto ba ni?

T8: Kon ikaw ang boluntaryong mi-resign, wa kay madawat nga separation pay unless dunay internal nga kalakaran ang company, so basin sakto ra nang P10,000 nga “separation pay.”

P9: Nakapalit ko og yuta nga ang former tag-iya dunay saop nga nagbantay sa yuta. Karon, sa among sabot sa former tag-iya, wala ma-mention ang mga kahoy nga naa sa sulod sa yuta. Sa dihang gipahibawo namo ang saop nga kami nay bag-ong tag-iya, miingon siya nga iyang ipaputol ang mga kahoy kay may katungod siya niini. Sakto ba siya?

T9: Oo, ubos sa balaod, may katungod ang usa ka saop sa yuta nga magpabayad sa iyang kahago kon ang yuta gibaligya ngadto sa lain ug siya papahawaon. Gani, may katungod usab siya nga maoy mopalit sa yuta sa samang kantidad sa imong pagpalit niini. Hinuon, wala ni magpasabot nga pwede niya pamutlon ang kahoy – mahimo mong bayaran lang ang iyang kahago sa pagtanom niini, ug kon di mo magkasabot kon pila, moadto kamo sa Department of Agrarian Reform Adjudication Board (DARAB).

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.