Brigada Balaod

Investment scams

Kay kinsa bay di ganahan madato? Apan kon ang offer is too good to be true, nan basin dili gyod kana tinuod. Human napasirado niadtong buwan sa Hunyo ang dakong negosyo nga giingong scam, may daghan na pong mitumaw.

Ang Securities and Exchange Commission (SEC), kinsa may hurisdiksyon sa mga kaso sa investment scam, mihatag aning Investment Scams Checklist.

Una gayod sa tanan, dapat di ka mahadlok mangutana bahin sa company. Kinsa may mga tag-iya? Unsa may address? Unsa may phone number – dapat naay landline kay at least naay registered owner ana. Kon mobile number lang, dili na ma-trace.

Unya, pangayo og kopya sa ilang SEC documents. Hinumdomi, ang registration sa company diha sa SEC wala magpasabot nga pwede na sila mamaligya og investment instruments sama sa securities, bonds, commercial papers, ug uban pang financial instruments.

Ang mga investment houses ug financing companies nga may quasi-banking license ra gyod ang mahimong mobaligya og securities ngadto sa labaw 19 ka tawo. Ang matag securities usab kay aprobahan sa SEC before ipabaligya, kay tan-awon man sa SEC ang ka-stable sa practice sa company.

Kadto lamang usab mga SEC-registered persons (brokers/dealers/salesmen) ang makabaligya ug maka-offer ngadto sa publiko og mga securities.

Ayaw pakig-deal aning mga tawhana kon magdumili sila paghatag og impormasyon bahin sa kompanya ug unsaon pag-raise ang giingon nga profit.

Kon makuha nimo ang impormasyon, i-verify sa SEC kon tinuod ba gyod nga registered.

Sa mga emergency situation, pangayo og tabang sa pulis o sa National Bureau of Investigation (NBI).

Likayi nga mabiktima ka sa investment scams kay basin ang hinagoan mong kwarta, imbes nga motubo, mawala hinuon og hurot.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.