Brigada Balaod

Plea bargaining sa mga drugs cases

Niadtong Abril 10, 2018, mipagawas ang Korte Suprema sa A.M. No. 18-03-16-SC, nga gitawag usab og Plea Bargaining Framework in Drugs Cases. Kini pinasubay sa pagdeklara sa Korte Suprema nga unconstitutional sa Section 23 sa Republic Act No. 9165, ang atong balaod kabahin sa illegal nga druga. Kaning plea bargaining, mao ni ang pagsabot-sabot taliwala sa akusado ug sa prosekusyon nga ang akusado moadmiter sa mas ubos nga sala. Gidili ni siya sa Section 23 sa RA 9165. Ang Korte Suprema miingon nga ang maong pagdili wala mahisubay sa Konstitusyon, nan mipagawas sila og guidelines alang sa plea bargaining.

Dakong tabang kning maong framework alang niadtong tingali involved gyod sa ginadiling druga pinaagi sa pagka-user o di ba kaha small-time dealer, apan dili gyod dinagko. Pinaagi niini, matagaag ikaduhang tsansa sa kinabuhi ang maong mga tawo. Kini tungod kay kadtong nasakpan nga misulay og baligya og ubos sa usa ka gramo nga shabu, o 10 gramos nga marijuana, imbes nga life imprisonment, pwede na mang mo-plea bargain ngadto sa Section 12 (Illegal Possession of Drug Paraphernalia) nga may penalty nga 6 ka buwan 1 ka adlaw ngadto sa 4 ka tuig nga pagkapriso. Kini nga penalty probationable busa pwedeng makagawas ang akusado/kombiktado unya probation na lang. (Ato unyang hisgotan aning maong lindog unsa kining probation.)

Sa illegal possession usab, kung ubos sa 5 gramos ang shabu o 300 gramos ang marijuana, pwede usab nga mo-avail gihapon sa Section 12 nga bargain.

Hinuon, naay gitawag nga drug dependency examination (DDE). Dili ni simple nga drug test, although apil sa iya ang drug test. Tan-awon ang sitwasyon sa akusado/kombiktado. Kung sa tan-aw sa doktor gikinahanglan nga ibutang siya sa rehabilitation center, i-recommend kini.

Ubay-ubay na pod ang naka-avail ani, kay lapas na man nis usa ka tuig gikan sa pagsugod. Dakong tabang sa pag-decongest sa atong mga jail facilities. Pagsugod, daghang mga prosecutor ang miangal niini kay para nila dili makaayo. Apan karon morag nadawat na, ug bisan mo-object gihapon sa Section 5 (kay mao man poy naa sa ilang guidelines), mahatagan gihapog second chance kadtong nahisalaag sa daotang bisyo.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.