Brigada Balaod

Pyansa

Kon madakpan gali ang tawo, ang paagi nga makagawas siya sa bilanggoan samtang on-going pa ang kaso mao ang pag-put up og pyansa. Dili hinuon tanang krimen pwede kang mopyansa. Ang Konstitusyon nag-ingon nga ang tanang akusado, gawas lamang niadtong giakusahan og krimen kang kinsang silot “capital” ug the evidence of guilt is strong, mahimong mopyansa alang sa ilang temporaryong kagawasan. Ang capital penalties mao ang kamatayon (kasamtangang gi-suspenso ang implementasyon), life imprisonment (pagkapriso sa tibuok kinabuhi), ug reclusion perpetua (20 ka tuig 1 ka adlaw ngadto sa 40 ka tuig). Ang mga krimen nga aduna niining mga silot mao kadtong labing linuog nga mga krimen, sama sa murder (dili lang homicide), traditional rape, carnapping, ug pagbaligya og ginadiling drugas (dili magbase sa gidaghanon sa gibaligya kuno, apan karon kon 1 ka gramo paubos nga shabu, pwedeng mo-plea bargain).

Wa nuon kini magpasabot nga abi kay giakusahan og capital offense, dili na makapyansa. Pwede gihapong mo-file og petition for bail, unya tagaan ang prosekusyon og tsansa nga iprobar nga evidence of guilt is strong. Kon makita sa korte nga dili kusog ang ebidensya sa prosekusyon, ang korte mobuot nga pagawson ang tawo pinaagi sa pagput-up og pyansa base sa giingon sa korte.

Ang amount sa pyansa depende usab sa gigrabehon sa silot sa krimen. Ubos sa Department Circular No. 013, Marso 18, 2018, ang 2018 Bail Bond Guide, generally ang pyansa binase sa maximum number of years sa silot times P6,000.00. May mga balaod nga P10,000.00 matag tuig.

Ang usual nga himoon sa mga akusado mao ang pagpangita og surety, nga maoy bayaran og premium para sila maoy mo-put up sa pyansa. Actually, kon maka-afford ang akusado, pwede nga mo-deposito sa korte og exact amount sa pyansa nga girekomendar sa prosecutor. Human sa kaso (mapilde o modaog man) mauli ang entero amount. Apan kon mag-surety, dili na kadto mabalik, although mas ubos pod (usually 1/4 ngadto 1/3 sa amount sa pyansa). Pwede pod nga yuta ang gamiton nga pangpyansa, apan mas kuti kini.

Rule of thumb, kon dunay kwarta, mas maayong mag-cash bond lang kon ubos sa P200,000 ang pyansa.

Kon dili gyod maka-put up og pangpyansa, pwede mo-file og motion to reduce bail. Traditionally, mohatag ang ubang korte og 50% nga “discount” sa pyansa. Kon ubos sa P10,000 ang pyansa, pwede pod nga mo-file na lang og release on recognizance.

May mga krimen usab nga dili gikinahanglan ang pyansa.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.