Tambagi Ko Torney

MR; mga bata na-busy sa practice; walay klarong benefits; wala ma-endorse sa NSO etc.

Attorney kanang MR nga i-file sa akusado, pila na ka adlaw angay aksyonan sa Court of Appeals?

Matod sa internal nga Rules sa Court of Appeals, ang motion for reconsideration (MR) angay aksyonan sa CA 90 ka adlaw human kini gideklara sa korte nga gisumiter na alang sa desisyon.

xxx

Atty., naa miy festival sa among lungsod. Hapit na motulo ka semana nga walay klarong klase ang mga bata kay ang mga maestra na-busy sa practice. Husto ba god ni?

Dalha ning maong problema ngadto sa principal sa tulunghaan. Sa imo lang gisulti, tataw nga nahikawan sa higayon unta nga makat-on ang mga bata kay wala man diha ang ilang mga magtutudlo.

xxx

Maayong gabii Attorney. Mangutana lang unta ko Sir kon unsay akong himoon. Usa ka tuig kapin nako diris company apan wala pa man gihapon mi tagai og SSS, PhilHealth ug Pag-ibig. Unsay angay nakong buhaton Attorney?

Adto sa DOLE. Human unya nila madawat ang imong reklamo, ila mang susihon ang kompaniya. Kon tinuod gayod nga ang maong kompanya wala maghatag ning maong statutory benefits, dako kining tulobagon nila sa gobyerno.

xxx

Maayong hapon Attorney. Ang akong duha ka anak gipausab namo sa apelyido sa ilang amahan. Kon adto mi magkuha sa local civil registrar, ang apelyido na sa ilang amahan ang mo-reflect. Apan inigkuha lagi namo og NSO, wala pa lagi mausab ang ilang apelyido?

Wala pa ma-endorse sa local civil registrar ngadto sa NSO (karon PSA na – Philippine Statistics Authority) ang ilang kopya. Sila maoy hangyoa aron mo-endorse na sa ilang kopya.

xxx

Attorney, good PM. Ang akong bana may kabit nga maoy sigehag kahurot sa iyang sweldo. Ako hinuon nga maoy asawa dili na nuon niya padalhag kwarta. Naa siya karon sa Cebu samtang ako nia sa Bohol. Wala koy kwarta ikagasto sigeg plite-plite padung diha aron ako siya ikiha. Unsay puyde nako mahimo?

Anha man ka sa Bohol mokiha sa imong bana kay naa man ka diha nagpuyo. Ang pag-deprive sa imong financial support (Sec. 5(2), R.A. 9262) diha man nahitabo (dili diri sa Cebu).

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.