Tambagi Ko Torney

Dakop sa balas; problema sa yuta; 13th month ug separation pay; principal by induction; buot magpakasal og usab

Atty., puyde diay dakpon ang tawo nga nagkarga og balas sa traysikad sa miyembro sa Bantay Dagat? Makadakop diay na sila?

Kon walay permit ang pagkuha sa balas, puyde man dakpon, bisan ganig sa ordinaryong tawo (dili sakop sa Bantay Dagat).

xxx

Maayong hapon Attorney. Ako si Carlo, mangutana unta ko bahin sa among problema sa yuta. Kining maong yuta nga among gipuy-an sa ako ning uyoan. Iya mi gipapuyo diri sulod na sa unom ka tuig. Libre mi ug walay bayad. Ang sabot namo hangtod sa hangtod ang pagpuyo namo sa maong yuta, ug amo ang abot niini, bisan kon naa pa kaniya ang ngalan sa titulo. Apan sa dihang namatay ang akong tiyo, papahawaon na man mi sa asawa ug mga anak niya. Mahimo diay ni Attorney? Wala na diay toy bili ang gisulti sa among uyoan namo?

Kining inyong sitwasyon maoy gitawag nga usufruct nga kontrata ubos sa balaod. Ang usufruct usa sa mga personal nga kontrata ubos sa balaod, busa sa pagkamatay sa usa sa mga partido sa maong kasabotan, mawala na ang epekto niini. Gani, dili man ni epektibo gyod nga usufruct ang inyong sitwasyon, kay wala man nimo mahisgoti nga duna moy sinulat nga kasabotan. Maayo na lang gani kay nakapuyo kamo nga libre sa maong yuta sulod sa unom ka tuig.

xxx

Attorney, maayong gabii. Naa lang koy pangutana kabahin sa 13th month pay ug separation pay. Nanira man god ang among kompanya unya ang hatagan nila nga pro-rated nga 13th month pay ug ang separation pay ila mang gihapak sa akong utang sa bangko. Husto ba god na Attorney? Salamat.

Depende na unsay nakasulat sa kontrata sa pagpautang nga imong gipirmahan sa bangko. Morag resonable ra man pod na nga paagi, kay kon manira na ang kompanya, maglisod na man ang bangko sa pagpangolekta sa bayad alang sa mga utang sa mga trabahante sa kompanya.

xxx

Maayong adlaw! Atty. Isles, ang tawo nga nagsugo sa pagpatay sa biktima mapriso ba pod?

O, kay siya man ang gitawag nga principal by induction. Apan angay nga may ebidensya beyond reasonable doubt nga responsable siya sa pagsugo.

xxx

Maayong hapon Attorney. Si Renan ni nga taga-Leyte. Kasado ko sa mayor apan nagbulag na mis ako asawa. Puyde ba ko magminyo og utro ug magpakasal?

Dili, samtang dili maanular ang inyong kaminyoon. Balido man ang inyong kasal kay authorized solemnizing officer man na ang mayor.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.